#沒有FastPass卻有RightPath 我好明白香港人好急的性格（我都係），乜都講求效率速度。唔好以為有錢移民，就可以即走，搵個人幫你搞晒所有野卒佢做就會快D？Sorry很抱歉移民葡萄牙係冇fast pass。葡國也有當地制度、流程，加埋葡萄牙人的處事方式和文化大不同，我也磨練中領悟過來。
#自己GV自己著緊 要盡快？可以做的就是自己的行動力和決斷力，整個流程的效率和進度，其實係有得預算的。除了問、了解、就是行動。見過有家庭一年前問緊睇緊，一年後繼續諗緊；也見過有家庭一年前起步，依家成家已經在葡萄牙settle 好晒。其實冇話邊個贏輸，只有今日的我決定明日的我。
#我只是一個普通GV家庭 做人行得正企得正，我真金白銀搞GV經歷晒所有嘢，唔講得全部都識，叫做知多少少。冇資格亦冇興趣做乜顧問式收費果d。專業人士周圍都有，唔該你要優質服務最好跟番團，唔好學人自由行。
我地之前搞GV時，上網想搵資料但冇資料俾到我地，所以我地自己一手一腳搞完之後，想將個過程分享返俾大家。同埋想有資訊分享時，大家可以搵到想搵既野。
現在正式公開我的移民流程，歡迎隨便參考。希望給真心想走的香港人，有得參考一下我依個人版，安心上路。
真香港人，共勉之。
Comments