由於阿豬爸既政治意識關係，所以都想出返一篇文，講解下葡萄牙既議會制度。如果有更清楚既看倌，不妨提出指點及補充。點解要講下葡萄牙既議會呢？相信好多港豬爸港豬媽，應該都唔會點理會香港既投票，因為大家都知個遊戲係假既🔥。但將來去到葡國時，請好好運用自己手上既一票呀！💪🏻
回想當初去葡萄牙時，其中一個地產經紀係千年國移民第二代。阿豬爸多口問下佢有冇諗住入藉呀？對方既回答卻令我好無言：「油味油歌子紫斯𠹌BLUE𠹌呌飄嗲C」言下之意即係冇諗過要投票權。咁人各有志，我地都無謂深究。
葡萄牙係一院制，即係得一個議會。咁講大家可能有少少抽象，因為香港都係一院制，得垃圾會（立法會）。英國，美國都係兩院制，英國有上議院同下議院（國民投票係選下議院，所以下議院既議員先係代表人民）。美國分眾議院同參議院。
好聽啲就話議會既效率高啲啦，法案只要一院內通過就叫過到關，但如果議會被控制（好似依家香港咁）就會出現明明議案唔係對人民有利（如倒錢落海）都會被夾硬通過既情形。
葡萄牙係四年一度大選既，對上一次係2015年，所以今年係葡萄牙既大選年。
按WIKI既資料，葡萄牙議會共有230席，目前執政當係社會黨（86席）。而建制派（我其實好討厭呢個名，因為好容易聯想到禮義廉）或者親政府派共佔36席，所以共122席（230席一半係115）
🔎入面有三個政黨： 1.左翼集團《---呢個呀 2.葡萄牙共產黨 3.生態主義黨「綠黨」
🔎而在野黨佔108席 1.社會民主黨 2.民主和社會中心-人民黨 3.人民-動物-自然（黨？）
傳送門俾大家，方便大家自己去睇下，特別係個名都幾搞笑既動物黨🤣👉🏻https://zh.wikipedia.org/…/%E5%85%B1%E5%92%8C%E5%9B%BD%E8%A…
點解「我討厭政治」但都要講議會呢啲咁無聊咁悶既野呢？因為2018年年頭，執政黨既左翼集團曾經提出要停止GV既方案，因為有機會對葡萄牙經濟造成不良影響及對移民造成不公平。👉🏻傳送門：https://www.imidaily.com/…/portuguese-government-to-critic…/
所以就算你移民到第二個國家，唔好以為政治唔關你事。多留意同了解當地政治體系，用返燦神果句：「這是作為國民應該有的義務和責任」🗳
Comments