💔講事實啫喊打喊殺
即係咁，作為一個GV既申請者，自曝家醜其實就唔係咁好睇既⋯⋯不過，我地唔做某國人，有唔好既地方，千錯萬錯都係人地錯？! 正面面對自己既問題都係好事黎。
今日講單輕鬆啲，Fiscal Representative（FR-稅務代表）既中伏小知識啦。阿豬一家接觸過既FR，其實唔多，都係得果3-4個。
🔎稅務代表咩嚟㗎：即係要做乜既？
其實你可以話好簡單，佢只需要將你每個月既收入（對GV申請者黎講就係每月既租金），用政府既網頁系統出租單俾租客。完。
當然詳情可以複雜好多，如做短租既，必需要響旅客離開既7日內出receipt俾旅客，同時將呢筆收入入政府system（方便計稅)。
💔中伏血淚史一：失蹤了的會計公司和稅務代表💔
我先講長租： 本來可以好簡單，每個月入SYSTEM禁一次就OK。阿豬一家之前就搵過一間英國人既會計公司幫手，結果俾左錢，轉左我地既稅務負表人俾佢地之後，對方就冇再聯絡過我地⋯⋯我地SEND過EMAIL去，唔覆！打長途電話去，次次都話開會或唔響度！結果租客一路都反映冇收到租單，迫住我地要麻煩返律師，轉返俾佢做稅務代表。
🔎最詭異既係，連我地改左政府系統既密碼，佢都冇聯絡過我地。即係跟本冇入過去做嘢⋯⋯ 🔎記住，歐洲人既 #唔理你症候群 係會傳染既，連出名嚴肅既英國人公司都係咁⋯⋯
💔中伏血淚史二：所有收入打做最重稅💔
另一間就係短租時既會計公司，係由一間中伏程度達五星既管理公司介紹既。呢間會計公司，又冇乜嘢既，講真佢只係將所有收入都打做最重稅，完。
其實真係冇嘢嫁，你只係俾其他人交多「少少」稅啫，真係冇嘢嫁。亦都好負責任，一年唔夠既服務期，會收足你一年錢。問佢地嘢，又係永遠唔會覆；追你錢就幾日一個email咁啫；真係冇嘢嫁⋯⋯
................................................................ 【舊文重溫】講到口都臭啦自己睇啦
公開我的移民路線圖 🆘逃生指南 http://bit.ly/2kDJZnP
葡萄牙買樓通識 翻新重建咩嚟㗎 http://bit.ly/2mi5ECv
入藉要考葡文 http://bit.ly/2lPLTSk
搞GV收費一覽 嬲嬲share http://bit.ly/2mbLQ3G
葡萄牙搵工易唔易呀？ http://bit.ly/2kgtr5e
葡萄牙人工點呀？ http://bit.ly/2lHNolR
投資35萬歐元 舊樓重建項目 http://bit.ly/2lQiPtZ
投資50萬歐元的房地產 http://bit.ly/2kuaBrs
中伏血淚史 會計公司稅務代表 http://bit.ly/2knEFVA
Σχόλια