多謝某國肺炎，阿豬爸要係咁同舊租客解約及同新租客簽新租約。
咁老老實實，租約計目前都係香港簽得比較多，葡萄牙呢邊暫時我都係簽過4-5份啫咁多年黎。（長租約）
🔎香港既租約一般都好務實，冇乜「廢話」。呢邊租約除左合約內容外，會有一啲類似「本人謹以至誠，去履行本合約之內容」之類
🔎同埋呢邊租約，可以寫埋default完約後係咪自動續約。
🔎另外，呢邊租約如果要斷租，需要60-120日通知。（比香港既早一個月通知，呢一方面又比較辣）
講開租客，今日呢個租客其實幾特別，對方係社福機構黎既，佢地提供服務，比一啲需要重過新生活既人，一個暫時既屋企。佢地出既租金比市面低15-20%。但OK，我會照租，因為我都想襯呢個機會回報一下，參與一下。（豬媽：懶偉大）
事實上，我同上一個租客斷租時（佢因為某國肺炎搞到冇左份工），我亦冇留難佢。甚至俾多10日免費佢方便佢搬走，所以收樓時所有嘢都清潔到好好。我唔敢話要每個人都學我咁，但對對方寬容一點，落雨至少我唔洗好似啲販冰兵咁怕打雷先。
共勉之。
Comments