上次講完貝林同賓菲加，今次講下俾呢兩區夾住既另外兩區。
Ajuda分Ajuda同Ajuda高地(Alto da Ajuda)，呢區放盤唔多，雖然佢同貝林一樣冇地鐵，如果係近海同埋中低密度果區住宅區的話，選擇相對唔多，價錢亦唔算太低。里斯本建築學校亦響呢一區。
Palacio da Ajuda有相當歷史，1755年里斯本大地震，Belem既皇宮也遭受損毀而臨時搬到Ajuda。呢個景點比較少遊客去，值得參觀一下。
當然，佢係近貝林Belem亦有咁上下歷史，附近都有唔少好舊未翻新既舊樓可以尋寶。由於缺乏公共交通，所以有車的話，反而係頗適宜自住的區域，而且有唔少獨立屋（都話葡萄牙好多有錢人區嫁啦，又係獨立屋區喇！)
由於呢區冇公共交通，所以唔適宜搞短租，因為遊客唔會到。可能呢個就係點解，呢區不在禁令範圍內既原因掛⋯⋯哈哈。
如果叫我評分，Ajuda會係： 交通 ⭐️⭐️ 歷史價值 ⭐️⭐️⭐️⭐️ 配套 ⭐️⭐️⭐️⭐️ 商業價值 ⭐️⭐️ 地段 ⭐️⭐️⭐️ 潛力 ⭐️⭐️⭐️
Alcantara亦係一個舊區，但佢舊得黎出名在有個好出名既文化區，叫LxFactory。以前係一堆工廠，目前己改建成藝術旅遊區，係潮人必浦之地，有很多食肆、精品店、書店、藝術展覽，樓上是租畀細公司做Co-Work space。可以話係一個翻新中又旺既地區。
雖然佢冇地鐵，但佢有連接南岸既大橋。同埋呢區有少少似香港既MK咁人多，相對Ajuda黎講，呢區已經升左一浸，想搵平靚正既野要花多啲心思。但同樣由於已經開始翻新緊，所以對傳統香港人黎講，有啲外表已經買得過既貨存在（唔洗大執)，所以有辣有唔辣⋯⋯
交通 ⭐️⭐️⭐️ 歷史價值 ⭐️⭐️⭐️ 配套 ⭐️⭐️⭐️⭐️ 商業價值 ⭐️⭐️⭐️ 地段 ⭐️⭐️⭐️ 潛力 ⭐️⭐️⭐️
祝大家新年快樂，Ate a proxima!🎉
Comments