今日講既Chelas呢個區，同一個區可以係兩極。同Olivais唔同，佢冇刻住"Chelas Norte"同"Chelas Sul"去區分南北。但你從區內既建築物會明顯感受到南北既唔同。
📍地鐵紅線地鐵站貫通 Metro Chelas & Metro Bela Vista
個人感覺北面比較生活化，同Olivais似但冇大型商場，小店比較多，似香港啲屋苑/屋邨。南邊如果唔係地鐵站附近，特別係近東南面相對荒蕪。
北面Chelas站，隔離就係里斯本工程學院。阿豬爸同地產傾過，呢個站附近既樓都相當快租得出。
南邊既Bela Vista站，唔係話佢唔好，不過呢區會比較多資助房屋。又要好長氣咁講多次，買資助房屋係唔可以用黎申請GV既！所以去睇樓既話要多留意呀！！
📍Chelas有D乜？
除左工程學院；Chelas北仲有舞蹈學院；同駕駛學院。不過呢啲感覺上，相對同租值冇乜大關係。
如果叫我評分，Chelas會係 交通 ⭐️⭐️⭐️⭐️⭐️ (有地鐵真好) 歷史價值 ⭐️ (住宅區想有乜歷史價值?) 配套 ⭐️⭐️⭐️ (比Olivais少啲大型商場) 商業價值 ⭐️ (住宅區想有乜商業價值?) 地段 ⭐️⭐️⭐️
Comentários